O parque provincial de Boiro recibiu aviso ás 14:15 h, por un vehículo que emitía unha gran cantidade de fume mentres circulaba pola autovía AG-11, á altura do punto quilométrico 7 en sentido Ribeira, no Concello de Dodro.
Unha vez no lugar, localizouse o turismo parado na beiravía. O condutor informou que, tras unha avaría no motor, comezou a saír fume en abundancia do coche, chegando a perder visibilidade momentaneamente e temendo que se producise un incendio.
Durante a inspección realizouse unha valoración térmica do motor mediante cámara, comprobando que as temperaturas se atopaban dentro dos parámetros normais. Todo apunta a que a incidencia puido ser controlada polo propio condutor apagando o motor coa marcha posta.
Tras a chegada do servizo de mantemento da vía, que procedeu a sinalizar a zona, deuse por finalizada a intervención ás 14:36 horas, sen que se rexistrasen danos persoais nin materiais.
No operativo tamén participou unha patrulla da Policía en labores de apoio á seguridade viaria.
