Este domingo, 27 de abril, a parroquia muradá de Abelleira celebra a segunda edición da súa andaina, logo do éxito da primeira convocatoria. Trátase dun percorrido organizado pola Comisión de Festas coa colaboración do Concello de Muros, destinado a reivindicar os tesouros ambientais, paisaxísticos e patrimoniais de Abelleira e da súa contorna. Serán 12 quilómetros de ruta circular con dificultade moderada-baixa. Saída de Sorribos ás 10:00 horas. A inscrición terá un custe de 12 e euros inclúe café, callos, petiscos e avituallamento.
“Trátase dunha moi boa iniciativa para fomentar os hábitos de vida saudábei e a convivencia”, explicou Damián Torea, concelleiro de Deportes.
Pola súa banda, a alcaldesa de Muros, María Lago, convida á veciñanza “a participar na andaina e a desfrutar da natureza en Abelleira”.
O Concello agradeceu ademais o traballo para a celebración da andaina da Brigada de Obras Municipal, Protección Civil de Muros, GES, Garda Civil e Policía Local.
