Ambar presenta a XI Carreira pola Diversidade, que se celebra o 11 de maio en Coroso (Ribeira)

30 Abril 2025

Este 30 de abril a Asociación Ambar das persoas con Diversidade Funcional estivo presentando en Ribeira a XI edición da súa Carreira pola Diversidade. Na presentación estiveron presentes Xabier Vidal, concelleiro de deportes; Fernando Abraldes, concelleiro delegado de Mar; Milagros Rey, presidenta da Asociación Ambar; Joserra Figueira, responsábel de deporte da entidade e Manuel Alonso, integrante do Equipo Running de Ambar. Destacaron que a XI Carreira pola Diversidade terá lugar o 11 de maio ás na explanada de Coroso (Ribeira) ás 10h. Como complemento á modalidade presencial da Carreira, ofrécese a posibilidade de realizar unha andaina, a cal sairá xusto despois da saída da proba absoluta cas diferentes categorías.

Explicaron que as inscricións para as modalidades estarán abertas ata o 6 de maio en cronotec.es e na mesma plataforma está dispoñíbel a posibilidade de facer unha doazón solidaria a través do Dorsal 0.

A cota de inscrición é de 7,50€ e a recadación destinarase a organizar saídas e respiros familiares dentro da área de ocio, para que as persoas usuarias sigan desfrutando destas actividades, ó mesmo tempo que tamén se ofrece un respiro e conciliación para as familias.

Abriu a xornada desta mañá Xabier Vidal, concelleiro de Deportes, quen falou da importancia dunha proba inclusiva na comarca e animou a todas as persoas que teñan a oportunidade de facelo a colaborar, tanto participando na proba coma a través da cota solidaria que tamén está dispoñíbel na páxina de Cronotec.

Proseguiu Milagros Pérez Rey agradecendo ó Concello de Ribeira polo seu labor na Carreira. Agradeceu especialmente a Xabier Vidal por estar aberto a escoitar as necesidades que se presentan dende a Asociación Ambar á hora de organizar a actividade e de facilitar todos os recursos posíbeis para levar a cabo a proba.

Tamén agradeceu a todas as empresas colaboradoras que a través das súas achegas fan posíbel que se poida celebrar unha nova edición da Carreira pola Diversidade. Son empresas como: Ramiro Carregal, Congalsa, Jealsa, Serdeco, Tarrío e Suárez, Toxo Telecom, Combustibles Puebla, Grupo Dunas, Rebeca Ozores, Pablo Ferreirós Vidal, Neumáticos Soto, Mariño Ortopedia, Conresa, Grupo Outeiral, Eclipse, Electrodomésticos Sampedro, Gadis, Max China, Fariña Bretal, Trazos Boiro, Climafrío, Dismac e Boiresa.

Manuel Alonso, integrante do grupo de running de Ambar compartiu a súa experiencia persoal como participante, como realiza os adestramentos para participar na XI Carreira para dalo todo evitando lesións e animou á comunidade a inscribirse para desfrutar xuntos da xornada do 11 de maio.

Joserra Figueira, falou das diferentes categorías do percorrido, da posibilidade anotarse na modalidade de andaina e que tamén hai categorías infantís con inscrición gratuíta.

Recalcou que as inscricións pechan o vindeiro martes 6 de maio ás 23:59h. Tamén engadiu que o día do evento haberá diferentes sorpresas coma sorteos despois do premios ou música en directo.

Pechou a presentación Fernando Abraldes, mencionando a importancia de todos os proxectos que impulsa Ambar, coma é neste caso un evento deportivo e solidario, a Carreira pola Diversidade, ó cal animou a todo o mundo a participar.

Cronograma

9:00 Reparto de dorsais

10:00 Comeza a categoría absoluta coa distancia de 5Km

10:05 Comeza a andaina

11:00 Categoría de 12 a 15 anos cunha distancia de 2Km

11:20Categoría de 9 a 11 anos, ten unha distancia de 1Km

11:30 Categoría de 6 a 8 anos, distancia de 300 m

11:45 Categoría de 0 a 5 a nos, cunha distancia de 100 metros

12:00 Entrega de premios

12:30 Concerto Ambareño e pincho solidario

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.