A participación prevista no Encontro das Persoas Maiores de Ribeira, que se celebra este domingo 23 de marzo, superou este ano as expectativas. Segundo fontes do departamento de Servizos Sociais, presidido polo tenente de alcalde, Vicente Mariño, a venda de boletos para a comida-encontro dos maiores de Ribeira, “foi un éxito rotundo tanto pola loxística da venda masiva como na súa celeridade, “xa que se repartiron 1.000 boletos en menos de 48 h”, sinalou o tenente de alcalde. Para a ocasión reforzouse o número de funcionarios, incorporáronse cadeiras e marcouse un fluxo constante sen interrupcións.
Maríño de Bricio manifestou que “para min este ano rompeu tódalas marcas, o aforo completouse no albor establecido e tamén resaltar que só se venderon a veciños e veciñas empadroados en Ribeira”.
Este ano introduciuse por primeira vez a exaltación dun produto local e o designado para esta edición foi o percebe de Aguiño que segundo fontes da Confraría de Carreira-Aguiño habilitouse para a ocasión a zona de norte que transcorre por todo o litoral costeiro dende Espiñeirido até o Feltro cos Petóns incluídos. A pesar do mal tempo os percebeiros lograron cumprir co obxectivo de capturar 200 kg do pércido marisco nunhas rochas de especial valor e risco.
Tamén haberá un servizo de autobús con saídas dende o apeadoiro ou estación de autobuses cara ao Pavillón da Fieiteira.
Dende a Concellería de Servizos Sociais adiantan que están preparadas sorpresas na comida e agradecen de forma particular aos veciños e veciñas que estiveron facendo cola para mercar os boletos.
