O Concello de Rianxo informou de que está a levar a cabo traballos de renovación do firme no núcleo da Casilla (Araño), ao que se suman as obras desenvolvidas nestes últimos meses (dende decembro) para instalar a rede de abastecemento de auga para consumo doméstico en toda a aldea. Os traballos, en conxunto, contaron cun orzamento de algo máis de 130.000€ financiado con cargo ao Plan Único da Deputación da Coruña.
A actuación permitiu dar servizo a todas as vivendas do núcleo e salvar o cruzamento da estrada autonómica a través dun topo para a conexión á rede existente. Os traballos foron executados pola empresa Mecano Obras y Reformas S.L.
O abastecemento da Casilla (parroquia de Araño) dende a traída municipal foi posíbel grazas ás actuacións previas dende Outeiro-Taragoña.
