O Concello de Muros informou do remate das obras de aglomerado e renovación do pavimento na Barrosa, na parroquia de Tal. Os traballos incluíron o camiño principal e os accesos ás vivendas, limpando e acondicionando tamén as cunetas.
“Estamos ante unha nova obra coa que damos un paso máis no noso calendario de actuacións para mellorar a rede de estradas, vías e camiños do concello”, explicou a alcaldesa, María Lago, engadindo que con esta liña de traballo “damos resposta ás demandas veciñais cunha programación continua de proxectos durante todo o ano”.
“Os traballos supoñen unha mellora importante para a seguridade viaria e para a accesibilidade dun camiño de acceso a varias vivendas”, engade a concelleira de Obras, Laura Rivadeneira.
Lago e Rivadeneira lembraron que “os traballos de renovación da rede de estradas e camiños de Muros son unha prioridade para o Goberno local”.
