Novamente o Concello de Muros e a Universidade de Santiago poñen en marcha unha nova edición das xornadas gratuítas Camiños de Coñecemento e Experiencia, encadradas no programa do IV Ciclo da USC e orientadas a formar en diversas materias históricas, culturais ou ambientais ás persoas dos concellos de máis de 50 anos. As charlas desenvolveranse en horario de tarde (de 16.30 a 19.30 horas) do 14 a o 22 de abril. A axenda inclúe un obradoiro sobre poda de árbores froiteiras, forestais e ornamentais (o día 14 de abril), e relatorios centrados no Despilfarro alimentario e a pegada ambiental dos alimentos e a Alfabetización audiovisual e a expresión fílmica.
“Trátase dunha formación para persoas maiores de 50 anos, cunha temática moi variada e amena, combinando as sesións teóricas con visitas e obradoiros prácticos”, explica a concelleira de Ensino de Muros, Laura Rivadeneira.
Pola súa banda, a alcaldesa María Lago sinalou que estamos ante “unha iniciativa que ten moi boa acollida e aconsellamos, unha oportunidade para formarse e compartir bos momentos”.
Achéganse 50 prazos. A inscrición cómpre facela na Oficinas de Servizos Sociais (rúa Rosalía de Castro s/n, teléfono: 981 762 465).
