Para os máis obsesionados coa posibilidade de que o planeta Terra fose alcanzado na súa traxectoria por un asteroide, chega a tranquilidade pràcticamente absoluta de que tal colisión non se vai producir. Ao menos no que fai referencia ao asteroide 2024 YR4, descuberto o pasado mes de decembro. O impacto deste coa Terra ten, segundo as previsións da NASA e a Axencia Espacial Europea (ESA), escasa probabilidade de se producir.
A rocha espacial, dun diámetro de entre 40 e 90 metros, ten moi poucas posibilidades de colidir co noso planeta: os novos cálculos sobre o risco de impacto coa Terra minimizan os efectos da colisión (caso de que se producira) mentras que esta posibilidade é desbotada na escala de Turín. Para a NASA as posibilidades de colisión están nun 0,00005%, sendo as da ESA dun 0.002%.
Superados os medos iniciais, as citadas axencias conclúen que o impacto anunciado as pasadas semanas é “estremadamente improbable” que se produza e non hai motivo de preocupación pública, o que non significa que deixen de monitorizar o asteroide tanto os telescopios terrestres coma os espaciais. A escala de Turín (ESA) que mantén en observación a todos os corpos celestes, sitúa a alerta en 0, cando a estimaba en 3 sobre un máximo de 10 en principio.
O pasado 18 de febreiro, o Centro de Estudos de Obxectos Cercanos á Terra (CNEOS) da NASA determinaba unha posibilidade de colisión do 3,1%, o máis alto rexistrado nunca para un asteroide desde que se fan medicións. Ata o mes de abril os telescopios terrestres integrados na Rede Internacional de Advertencia de Asteroides continuará as observacións do asteroide 2024 YR4.
De se producir a anunciada -xa desbotada- colisión coa Terra, o asteroide poderìa provocar un desastre localizado no caso de colidir nun espazo poboado da Terra, chegando a destruir unha cidade. Tal caso, segundo os últimos cálculos, está lonxe de producirse.
E na Terra, desexosos de que esto último se cumpra.
