O Laboratorio Ecosocial do Barbanza organiza dúas xornadas educativas que poñen en valor o papel das mulleres no sector primario, coordinadas pola Fundación Montescola. Celebraranse o vindeiro luns 17 de febreiro, en colaboración coas iniciativas Máis Ca Leña do CEP Xosé María Brea Segade e Monte Vivo do IES Félix Muriel, e están coordinadas como dixemos pola Fundación Montescola, entidade responsábel das accións de prospectiva comunitaria, voluntariado e educación ambiental do proxecto.
Esta actividade está financiada con fondos europeos, grazas ao apoio da Fundación Biodiversidad do Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU.
As sesións estarán a cargo de María Ferreiro, gandeira de vacún de carne en Teixeiro-Curtis e
responsábel da Secretaría das Mulleres do Sindicato Labrego Galego, quen compartirá a súa
experiencia e abordará os desafíos e oportunidades do emprendemento feminino no medio rural e
agroforestal.
Estas accións educativas forman parte da liña de acción 4 do Laboratorio Ecosocial do Barbanza,
liderada por Montescola, que busca fortalecer o traballo en rede e dinamizar a conexión entre
iniciativas locais. O obxectivo é sensibilizar ao alumnado sobre a relevancia das mulleres na
construción dun sistema produtivo sostíbel e de proximidade, promovendo a reflexión sobre o
futuro do sector primario en Galicia.
Luns 17 de febreiro
Produción e consumo de proximidade da man das mulleres
Inicio ás 10:30 h en CEP Xosé Ma Brea Segade de Taragoña, Rianxo
As mulleres no emprendemento rural e agroforestal
Inicio ás 12:30 h en IES Félix Muriel, RianxoApoio
