Tendo en conta a previsión para estes días de febreiro da Axencia Estatal de Meteoroloxía (AEMET), unha previsión que indica a permanencia do inverno até ben entrado o mes (con entradas continuas de masas de aire frío ao longo desta semana e todo parece indicar que tamén ao longo da seguinte, o que garantirá a presenza de neve nos cumios das montañas e noutras zonas), o Concello de Dodro organizou unha excursión á Estación de Montaña de Manzaneda, en Ourense, para a vindeira fin de semana: o sábado 15 de febreiro. O Concello explica que “aquelas persoas que queiran desfrutar da neve ou practicar esquí poden inscribirse no Departamento de Deportes (981 802 532)”.
