O Concello de Boiro, a través da área de Política Social, promove unha serie de actividades formativas e charlas que se van desenvolver durante os vindeiros meses. As prazas para participar serán limitadas, polo que se require inscrición previa.
A primeira das actividades divulgativas que se vai organizar será sobre Diversidade familiar e familias monomarentais e estará impartida por FAGAMOS, a Asociación de Familias Monomarentais de Galicia. Esta actividade terá lugar o vindeiro xoves 20 de febreiro ás 18.00 horas no Centro Social de Boiro.
As actividades tamén inclúen formacións. A primeira delas será sobre Intervención en risco de suicidio, estará impartida pola Asociación Pro Saúde Mental e será o xoves 27 de febreiro de 10.00 a 13.00 horas no Centro Social de Boiro.
A segunda das formacións será sobre Conceptos básicos sobre identidades de xénero e orientación sexuais, impartida por ARELAS, Asociación de Familias Menores e Trans, e terá lugar o 10 de marzo de 10.00 a 13.00 horas no Centro Social de Boiro.
Para participar en calquera das formacións é necesario inscribirse previamente no CIM de Boiro mediante o enderezo electrónico cim@boiro.org ou o teléfono 981 84 48 00 ext. 1285.
