O vindeiro 16 de febreiro vaise celebrar unha nova edición (a número 12) da BTT (bicicletas todo terreo) e Andaina Concello de Rianxo. Este venres o Salón de Plenos do Concello de Rianxo acolleu a presentación da proba, nunha cita cos medios na que participaron o alcalde Julián Bustelo, o presidente da Peña Cicloturista Castro Barbudo, Alfonso Cespón, e o concelleiro de Deportes, Julio Alcalde. Segundo fixeron saber, as probas contan cos diferentes modalidades adaptadas a todos os públicos e permiten que as e dos deportistas desfruten “duns fermosos percorridos polo noso municipio, así como polos termos municipais lindeiros de Rois, Lousame e Dodro”.
A XII BTT Concello de Rianxo vén con tres opcións de rutas: a ruta curta de 30 quilómetros, a ruta media de 50 e a ruta longa de 80.
Polo que se refire á andaina, vén cun único traxecto de 22 quilómetros.
As inscricións están abertas aínda na web Emesports.
