Xosé Regueira comproba as obras de rehabilitación que devolveron o esplendor á Capela do Pazo de Goiáns

16 Xaneiro 2025

O Pazo de Goiáns (Boiro), recentemente remodelado polo actual Goberno local e posto a disposición da veciñanza e da intensa actividade cultural do concello, acolleu este 16 de xaneiro a visita do vicepresidente da Deputación da Coruña, Xosé Regueira, que estivo acompañado do alcalde, José Ramón Romero, para coñecer o resultado das obras de rehabilitacion da Capela do Pazo. Esta actuación contou co co-financiamento da entidade provincial.

Segundo lembraron o rexedor e o videpresidente, os traballos desenvolvidos na capela ascenderon aos 110.133,81 euros dos que a Administración provincial aportou un 80% e que “permitiron realizar unha consolidación, sen alterar a estética, dos restos conservados integramente así como rehabilitar a cuberta, os muros e as carpinterías e instalar nova iluminación nunha edificación que se atopaba nun estado de deterioro avanzado”.

O vicepresidente, Xosé Regueira, felicitou ao alcalde e ao equipo de Goberno polo “excelente resultado das obras de posta en valor dun espazo tan emblemático como este” e destacou o esforzo municipal “ante un reto tan significativo como o de recuperar esta capela”. Engadiu que dende Deputación “temos o compromiso de intentar axudar aos concellos a preservar o seu patrimonio e poñelo ao servizo da cidadanía”. Agradeceu ao alcalde a “sensibilidade” e destacou a relevancia do Pazo de Goiáns, “que agora mesmo fai servizo de país para toda Galicia”.

Pola súa parte, o alcalde, José Ramón Romero, agradeceu a implicación da Deputación da Coruña “por axudarnos a levar a cabo esta actuación importante para seguir recuperando o noso patrimonio do Pazo de Goiáns para poñer a disposición da veciñanza para o seu uso e desfrute”.

A Capela de Goiáns que se vén de rehabilitar foi fundada en 1630 por don Jorge Varela de Castro Sotomayor, quinto maiorazgo do Pazo de Goiáns. Naquel momento, a súa tribuna comunicábase coa vivenda mediante unha escaleira exterior que daba a unha pequena terraza, desde a que se accedía a través dunha porta á sala do reloxo do pazo, co obxectivo de resgardar aos señores e á familia das inclemencias meteorolóxicas. Dedúcese que sobre os alicerces da antiga capela edificouse a actual.

O Pazo de Goiáns é unha antiga fortaleza medieval situada ao pé do esteiro do río Coroño. O inmóbel principal e a torre foron rehabilitados no ano 2022 así como o acondicionamento da finca, que ten unhas dimensións de 120.000 metros cadrados e na que se atopan especies singulares. Conta con embarcadoiro, antigas pesqueiras, pombal, hórreo e outras edificacións anexas ao inmoble principal.

Ademais da rehabilitación da capela, no último ano realizáronse tamén actuacións para a mellora ambiental do esteiro unhas actuacións de 204.024 euros mediante as que se conectou o Pazo de Goiáns co núcleo urbano, mellorando a súa accesibilidade e dándolle un valor engadido á súa contorna natural.

O obxectivo do Concello de Boiro é seguir traballando na rehabilitación das vivendas auxiliares que se atopan na finca de Goiáns como son os lagares ou a casa dos caseiros, dos que xa hai proxectos e se están a estudar as liñas de financiamento para poder acometer as actuacións.

Outros artigos

Sábado 8, unha borrasca traerá máis nubes e orballo a Galicia

Galicia quedará este sábado baixo a influencia dunha borrasca situada ao oeste, que achegará unha fronte cálida ao longo do día. A xornada comezará con intervalos de nubes e claros, pero as nubes irán en aumento, podendo deixar algúns orballos na fachada atlántica. As...

+

Publicidade

Revista en papel

Opinión

“O forno de leña”. Luís Celeiro

“O forno de leña”. Luís Celeiro

Os daquela xeración que naceron antes dos anos sesenta do século pasado (moi lonxe e moicerca, ao mesmo tempo) lembran como se facía o pan de cada día nos fornos de leña. Decada día ou de cada mes. Lembran o pan prestado polo veciño e saben que se devolvía aococer,...