Houbo dous feridos que tiveron que ser trasladados.
O suceso ocorreu minutos antes das 23:00 horas desta noite. Segundo os particulares que alertaron ao 112 Galicia, dous turismos sufriran un accidente na rúa dos Martices, cunha persoa que non reaccionaba logo do impacto.
Decontado, os xestores do 112 Galicia informaron ao Servizo de Urxencias Sanitarias de Galicia-061, a Emerxencias Vilagarcía, á Garda Civil de Tráfico e á Policía Local.
O persoal sanitario que se desprazou ata a zona confirmou o falecemento da vítima, mentres que outras dúas persoas resultaron feridas, as cales tiveron que ser evacuadas ata o hospital de referencia.
