A patronal noiesa, Noia Histórica, celebrou o Nadal coa campaña Noia preto de ti, desenvolvida entre o 13 de decembro e o domingo 5 de xaneiro. Un dos puntos fortes da campaña foi sen dúbida o sorteo de catro dispositivos móbiles iPhone 15, un importante agasallo acordado polos propios comerciantes e que está valorado en 900 euros por unidade. Estea semana post-Nadal a patronal compartiu nas redes a listaxe de números premiados, co fin de facilitar que sexan revisados pola veciñanza que apostou nesta festas polas compras de proximidade e nos establecementos asociados. Trátase do 15.210 (Pisa Morena), o 8.533 (Laser Estudio Fotográfico), 20.252 (Centro Estética Ana Ces) e 17.049 (Tipitos Moda Infantil). As persoas que posúan algúns destes números deberan poñerse en contacto con Noia Histórica a través do 981 824 764 ou por WhatsApp 629648886.
A campaña estivo patrocinada polo Concello de Noia, Xunta de Galicia e Deputación de Coruña.
