Na Pobra controlada a vertedura de hidrocarburo

05 Xaneiro 2025

Gardacostas de Galicia activou este domingo o Plan Territorial de Contaminación Mariña Accidental de Galicia (Plan CAMGAL), en fase de alerta, pola aparición dunha mancha de hidrocarburo na Pobra do Caramiñal, á altura da Ribeiriña.

O 112 Galicia tivo constancia dos feitos ao redor das 17:00 horas da tarde deste sábado, cando un particular contactou con emerxencias para informar dunha posible vertedura de gasóleo ao mar desde unha nave abandonada.

Nada máis recibiren o aviso, os xestores do Centro Integrado de Atención ás Emerxencias (CIAE) de Galicia puxeron a situación en coñecemento de Salvamento Marítimo, da Sala de Gardacostas de Galicia, dos Bombeiros de Ribeira e da Policía Local.

Pola súa banda, a Consellería do Mar explicou que tras as comprobacións realizadas no punto, descubriron que a vertedura ten a súa orixe nos tubos dos antigos depósitos de gasóleo da empresa Fariñas do Atlántico, pechada hai dúas décadas.

Aínda que non observaron a presenza de residuos na auga, os axentes despregados na zona (de Augas de Galicia, Seprona e Gardacostas) permanecerán pendentes da evolución da vertedura. Así e todo, dan por controlada a situación.

Ademais, tentan localizar os propietarios da nave para que non se repita o episodio.

Ademais, ata o lugar desprazouse o buque ‘Mar de Galicia’, xunto coa súa embarcación auxiliar, para apoiar os labores de contención e limpeza. Polo momento, as autoridades marítimas traballan para minimizar o impacto ambiental e garantir a seguridade na zona portuaria.

buque ‘Mar de Galicia’

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.