O persoal sanitario nada puido facer pola súa vida.
Foron os propios servizos sanitarios os que, arredor das 21:20 horas do luns, alertaron ao 112 Galicia dun accidente entre un coche e unha moto na avenida de Pontevedra, en Rubiáns. A situación era grave, e os implicados precisaban asistencia sanitaria urxente.
De inmediato, solicitouse a acción dos axentes da Policía Nacional, así coma do Servizo de Emerxencias e da Policía Local de Vilagarcía.
Os profesionais de Urxencias Sanitarias de Galicia-061 confirmaron pouco despois o falecemento do motorista. Ao mesmo tempo, outra persoa foi trasladada ao centro hospitalario de referencia.
