Todo listo para o comezo (este martes 31 ás 17.00) da San Silvestre de Noia

31 Decembro 2024

Os clubs e as/os deportistas de Noia e de toda a comarca teñen este 31 de decembro unha cita co deporte solidario: a San Silvestre de Noia, en palabras do Concello (organizador da proba xunto co Club de Atletismo) “unha gran festa para despedir o ano xuntos, co deporte como protagonista”.

A proba dará comezo ás 17.00 horas deste martes 31.

Coma cada ano, recolleranse alimentos para Cáritas Diocesana de Noia (produtos básicos de alimentación e alimentos típicos destas datas de Nadal).

O trazado será un trazado accesíbel de tres quilómetros para permitir a máxima participación (e a máxima cantidade de doazóns).

Con todo, segundo informou a organización, tanto se temos previsto correr os 3 quilómetros da proba, coma se (por calquera circunstancia) preferimos non facelo, é posíbel colaborar con esta iniciativa solidaria do Concello de Noia e do Club Atletismo de Noia (CAN), facendo contribucións en forma de produtos alimentación básicos ou alimentos típicos navideños.

Non se require inscrición previa.

Haberá trofeo para a gañadora ou o gañador.

O Concello agradeceu a colaboración, unha vez máis, de Protección Civil de Noia, Policía Local Noia e de Cruz Vermella Noia.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.