Esta acción de voluntariado ambiental, coordinada pola Fundación Montescola, enmárcase nas accións piloto do proxecto CAPRIF-CC para a restauración de hábitats.
Medio cento de voluntarios/as convocados polo proxecto Comunidades Activas e Paisaxes Resilientes a Incendios Forestais e Cambio Climático (CAPRIF-CC) repoboaron esta mañá arredor de cinco hectáreas de superficie no monte de Froxán (Lousame) con preto dun milleiro de
exemplares de especies autóctonas.
Esta actividade de voluntariado ambiental, coordinada pola Fundación Montescola, desenvolveuse nunha zona alta do monte, na que se atopa o nacente do Regueiro do Ramo Curvo e na que previamente foran eliminadas especies pirófitas e invasoras como o eucalipto e a acacia. Esta mañá, as persoas voluntarias repoboaron a zona con especiesc como carballos, castiñeiros, pradairos, bidueiros, teixos, sabugueiros, salgueiros, sobreiras
e érbedos.
O monte de Froxán no que se levou a cabo esta replantación foi recoñecido no ano 2017 polo Programa das Nacións Unidas para o Ambiente como unha das “Áreas Conservadas por Pobos Indíxenas e Comunidades Locais” (ICCA, nas súas siglas en inglés) e forma parte parte das zonas de actuación piloto do proxecto CAPRIF-CC para a restauración de hábitats, creación de cortalumes verdes, recuperación de espazos con valores culturais e
eliminación de especies exóticas invasoras.
O proxecto CAPRIF-CC está impulsado pola Fundación Juana de Vega, a Fundaciónc Centro de Estudos Eurorrexionais Galicia-Norte de Portugal (CEER), a Fundación Centro Tecnológico y Forestal de la Madera (CETEMAS), a Asociación Galega de Custodia doc Territorio (AGCT) e a Fundación Montescola, e conta co apoio da Fundación Biodiversidadc do Ministerio para la Transición Ecológica y el Reto Demográfico (MITECO), no marco do Plan de Recuperación, Transformación y Resiliencia (PRTR), financiado pola Uniónc Europea cos fondos NextGenerationEU.
