O Auditorio de Rianxo acolle este venres 13 de decembro polo serán, ás 20.30 horas, dous actos encadrados na programación conmemorativa dos Actos Castelao 25, que conmemoran este vindeiro ano o 75 aniversario do pasamento do ilustre veciño de Rianxo. Trátase do conservatorio e da posterior inauguración da exposición coa que o Concello dá inicio á dita programación especial: a mostra Castelao. O retorno a Galicia 1984. A presenza de Rianxo. Organizado en colaboración do Museo de Pontevedra e a Fundación Castelao, no convervatorio intervirán Xan Carballa (autor das fotografías), Enrique Acuña (comisario da exposición), Xosé Bravo (alcalde de Rianxo no 1984), Miguel Anxo Seixas (investigador e Presidente da Fundación Castelao) e Julián Bustelo (alcalde de Rianxo), actuando ademais como moderador. Unha vez rematado terá lugar no Auditorio a apertura da exposición con visita guiada a cargo do autor e o comisario. A exposición fotográfica poderase visitar ata o 11 de xaneiro, de luns a venres de 10.00 a 14.00 h, ademais dalgunhas tardes, sábados e/ou festivos coincidindo cos horarios da programación cultural do Auditorio.
