Este Nadal, inserido no programa cultural destas festas sinaladas impulsado polo departamento municipal de Cultura, volve a Noia o Ciclo Panxoliñas nas Parroquias, edición 2024. Trátase dunha axenda solidaria (a beneficio de Cáritas) organizada polo Concello e Cáritas (co apoio da Unidade Pastoral de San Martiño de Noia) que dará comezo este sábado 14 de decembro ás 20.00 horas, na igrexa de San Martiño, co Coro Parroquial de Santa Cristina, a Coral Feminina do Barbanza e o Coro Parroquial de San Lourenzo.
O domingo 15 de decembro a actividade trasládase a Boa, a partir das 10.30, cunha actuación do Coro Parroquial de Santa Cristina.
A axenda trasládase o 28 de decembro a Santa María de Roo, a partir das 18.00 horas, co Coro Parroquial de San Lourenzo. Na mesma xornada, a parroquia de Argalo acolle a partir das 19.00 horas un recital do Coro Parroquial de Santa Cristina.
Santa Cristina dará acollida o domingo 29 (ás 11.30h) un concerto de panxoliñas do Coro Parroquial de Santa Cristina e da Coral Feminina Barbanza.
A través destas actuacións solicítase a achega dun alimento non perecedoiro para a Obra Social de Cáritas.
