O Concello de Dodro informa dunha reunión informativa sobre as Agrupacións Forestais de Xestión Conxunta. Será o vindeiro venres 13 de decembro ás 19.00 horas no Pavillón de Deportes de Dodro. Contarase coa presenza de representantes do Instituto Galego das Terras Comunitarias (INGATECO).
O Concello de Dodro facilitará composteiros ás persoas asistentes para promover a redución de residuos orgánicos e o seu aproveitamento como fertilizantes.
Organizan a AFG (Asociación Forestal de Galicia), INGATECO, SOGAMA e o Concello de Dodro.
Respecto das Agrupacións Forestais de Xestión Continua, son modelos de organización que permiten, entre outras vantaxes, mellorar a eficiencia económica, aumentar o acceso a recursos e promover prácticas forestais máis sustentábeis e responsábeis. Estas asociacións facilitan tamén a posta en marcha de medidas de conservación e sustentabilidade, como a prevención de lumes forestais, a recuperación de bosques ou a mellora da biodiversidade.
Tamén son positivas porque permiten ás agrupacións de propietarios dispor de asesoramento técnico especializado que mellora as prácticas de xestión e aproveitamento forestal.
