A organización Mulleres en Acción – Asociación de Mulleres do Barbanza convocou unha nova concentración de urxencia e de repulsa contra o novo feminicido perpetrado os días pasados en Baiona, no que foi asasinada a veciña Estela Blach a mans, presuntamente, da súa ex parella. Será este mércores 13 de novembro ás 20.00 horas na praza do Concello de Ribeira. Mulleres en Acción fai un chamamento á participación neste novo acto de rexeitamento e loita contra a violencia machista, xa que, lembran, “estamos ante unha lacra que cómpre erradicar e isto só se consegue coa participación de todas e todos”.
