Este mércores 30 de outubro o alcalde, Manuel González, e o tenente alcalde, Anxo Núñez, mantiveron unha reunión co director da Axencia Galega de Infraestructuras, Francisco Menéndez, para demandar as seguintes actuacións en estradas propiedade da Xunta de Galicia:
-Arranxo e mellora da Avenida de Fisterra.
-Arranxo do firme e mellora da seguridade viaria na AC-196 entre Seilán e a Ponte Nafonso.
-Creación dun sendeiro peonil e ciclista entre os núcleos urbanos da Serra de Outes e Cruceiro de Roo.
-Mellora da seguridade viaria en diferentes treitos da estrada xeral AC-550: Freixo, Margarida, Serra de Outes e Riba de Mar.
Alcalde e concelleiro expresaron o de sexo de atopar colaboración e boa vontade da Administración autonómica para “atender as necesidades urxentes do concello”.
O alcalde, Manolo González, agradeceu o encontro ao director da AXI, pero recordou “que os veciños e veciñas agardan dende fai anos pola mellora da avenida de Fisterra así como da estrada da Ponte Nafonso”.
Pola súa parte, o tenente alcalde e concelleiro de mobilidade peonil, aproveitou para demandar avances na mobilidade peonil e ciclábel do concello achegando a proposta para a creación dun sendeiro que una os centros urbanos da Serra de Outes e Cruceiro de Roo así como revisar a seguridade viaria en varios puntos localizados nas zonas do Freixo, Seilán, Margarida, Serra de Outes e Riba de Mar.
