Na Pobra retirados 67 quilogramos de lixo da praia da Lombiña-Cabío

29 Outubro 2024

A Concellaría do Medio Ambiente da Pobra do Caramiñal sumouse á XIII Limpeza Simultánea de Praias convocada pola Asociación para a Defensa Ecolóxica de Galiza (ADEGA) cunha retirada de lixo do areal da Lombiña-Cabío neste 29 de outubro.

Dende a Administración local optouse novamente por implica-la comunidade educativa coa participación dos colexios de primaria da localidade. Así, arredor de cincuenta alumnos/as (corenta de 6º curso do CEP Salustiano Rey Eiras e dez do 3º curso do CEP Pilar Maestú Sierra) liberaron a dita praia de 67 quilogramos de residuos nesta xornada de voluntariado ambiental.

O concelleiro do Medio Ambiente, Xosé Lois Piñeiro, explicou que “dáselle así continuidade ás actividades de sensibilización que levamos a cabo cos centros de ensinanza, nesta ocasión, involucrando ao alumnado de primaria. Toda a sociedade debe estar concienciada sobre a importancia do coidado da nosa natureza, das nosas contornas mariñas, do respecto ao medio ambiente. E cremos que aquí é fundamental traballar coas novas xeracións para construír un futuro máis sostible”.

Concello

Outros artigos

O Magosto Solidario de Lousame reúne a centos de persoas

O pasado sábado, 7 de novembro, o Concello de Lousame celebraba o seu Magosto Meigo. Logo de ser adiado por mor do loito nacional polo accidente ferroviario de Urda, o polideportivo municipal Pilar Barreiro Senra acollía este festexo solidario coa Cruz Vermella de...

+

Rianxo acolle o sábado un obradoiro audiovisual para a rapazada

O Auditorio Municipal de Rianxo vai ser o escenario dun obradoiro formativo que mostrará os segredos da filmación ás novas xeracións rianxeira. Trátase do Obradoiro Audiovisual Crea a túa curta, organizado pola Asociación Alberto Romero coa colaboración do Concello de...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.