O Concello de Muros presentou este 21 de outubro un novo programa de actividades que ten como obxectivo “fomentar a lectura entre a cidadanía”, segundo adiantou a concelleira de Cultura, Caridad González, que indicou que estas actividades terán lugar na Biblioteca Municipal de Muros e na Axencia de Lectura de Esteiro ata o próximo mes de maio.
O programa comezará este martes 22 de outubro na Biblioteca de Muros e o mércores 23 de outubro na Axencia de Lectura de Esteiro, ambas as sesións ás 18:00 horas. Este ciclo semanal está deseñado para o público infantil e familiar, achegando á cidadanía ás bibliotecas e estimulando o interese pola lectura.
A Concelleira de Cultura, Caridad González, destaca a importancia da lectura non só polo seu valor educativo e cultural, senón tamén polo seu compoñente lúdico: “Buscamos fomentar a lectura a través destas actividades, e ao mesmo tempo, poñer en valor as bibliotecas como espazos abertos á aprendizaxe e o encontro”, afirmou.
Ademais, para potenciar a asistencia dos mozos e mozas ás bibliotecas e convertelas en lugares de encontro e compartir, reforzarase a adquisición de libros para lectura obrigatoria de Primaria, Secundaria e Bacharelato, que estarán dispoñibles para o préstamo. As bibliotecas son un recurso esencial para toda a veciñanza.
A concelleira sinalou: “Queremos que todos se sintan motivados a visitar e utilizar estes espazos, que son fundamentais para o aprendizaxe e a cultura”. Para máis información sobre o programa e as actividades, invítase á toda a veciñanza a achegarse ás bibliotecas.
