O Concello de Boiro saca a licitación as obras para a mellora dun camiño de acceso a parcelas agrícolas no lugar de Nine, unha actuación co-financiada mediante as axudas da Axencia Galega de Desenvolvemento Rural (AGADER). As actuación ascenden aos 61.241,34 euros e as empresas interesadas poden presentar as ofertas a través da Plataforma de Contratos do Sector Público ata o vindeiro 23 de setembro.
As actuacións previstas pretenden a mellora do firme e recollida de pluviais mediante a rehabilitación superficial coa aplicación dunha nova capa de rodaxe asfáltica para conservar e mellorar as características funcionais e a protección do conxunto do firme, así como incorporar unha rede de recollida de pluviais que evite as escorrentías de auga da choiva. A actuación completarase coa sinalización viaria horizontal para a mellora da seguridade.
