Boiro celebra este domingo 15 de setembro o VIII Trail dos Indios – Castelo de Vitres

11 Setembro 2024

Boiro acolle o vindeiro domingo 15 de setembro o VIII Trail dos Indios – Castelo de Vitres, organizado polo Club Tribu Trail. O concelleiro de Deportes, Marcos Fajardo, participou na presentación da proba deportiva xunto con Xosé María Rodríguez, presidente do club.

Trátase dun trail de dificultade elevada xa que, segundo explicaron, “transita por sendeiros e zonas moi rochosas e beiras de ríos, polo que está pensada para persoas dun nivel e estado físico medio/alto”.

A proba conta con dous percorridos, un trail de 25,5 quilómetros e un trailiño de 14 quilómetros ademais dunha andaina de 14. “Este ano introducimos a andaina non competitiva pensada para esas persoas que se inician neste deporte a través desta modalidade”, afirmou Xosé María Rodríguez.

Tanto o trail coma o trailiño contan con categoría absoluta masculina e feminina; veterano A (de 40 a 49 anos) masculina e feminina; veterano B (máis de 50 anos) masculina e feminina; e equipos, que deberán ter un mínimo de 4 membros entre homes e mulleres. A edición deste ano forma parte da Copa Xunta de Galicia de Carreiras por Montaña da Federación Galega de Montañismo (FGM) e o evento será retransmitido por streaming.

“É unha proba dura pero tamén moi atractiva ao discorrer pola nosa serra”, afirmou o concelleiro de Deportes, Marcos Fajardo, que agradeceu ao club e toda a organización polo seu traballo para levar a cabo este evento deportivo “co que estamos moi contentos de participar en eventos deste tipo que aportan riqueza ao noso municipio e opcións para que cada persoa poida practicar a actividade que máis lles guste”.

Outros artigos

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.