Na tarde deste venres, case ás 18:00 horas, produciuse outro accidente con catro turismos implicados, no quilómetro 75 da N-550. Segundo lle comentou o alertador ao 112 Galicia, había unha muller que precisaba asistencia sanitaria.
Con isto, os xestores do 112 Galicia informaron ao Servizo de Urxencias Sanitarias de Galicia-061, ao GES de Padrón, á Policía Local e á Garda Civil de tráfico. Ademais, os axentes da Garda Civil solicitaron servizos de mantemento por mor de restos do accidente na estrada.
Finalmente houbo unha persoa ferida de carácter leve que foi trasladada polo persoal sanitario. No punto permanecía a Garda Civil á espera duns guindastres para a retirada dos vehículos.
