O alcalde de Boiro, José Ramón Romero, recibiu esta mañá na Casa Consistorial de Boiro a seis rapaces e rapazas saharauís acollidos por familias de Boiro que, no marco do programa “Vacacións en Paz” promovido pola entidade Solidariedade Galega co Pobo Saharauí (Sogaps), pasan o verán en Boiro.
Os rapaces e rapazas chegaron o 6 de xullo e estarán no municipio ata o 5 de setembro. Estes rapaces forman parte dun total de 290 nenos que pasan o verán con familias galegas para saír das altas temperaturas do
deserto.
O alcalde, José Ramón Romero, escoitou as necesidades destas familias de cara a seguir colaborando con elas para mellorar a estancia dos rapaces e rapazas no municipio.
