Este sábado día 3 de agosto en colaboración co Concello de Ribeira e Festexos Ribeira, a Asociación Ágape organiza un evento “moi especial” encadrado na programación das Festas de Verán. Trátase dun circuíto sensorial para os cativos onde poderán experimentar con cada un dos sentidos do seu corpo. Para esta actividade a organización mobilizará unha chea de voluntarias e voluntarios e tamén unha terapeuta ocupacional que é unha das asesoras de todo isto. “Todos os nenos van poder desfrutar ao máximo da actividade, tan se son neurodiverxentes como se non”, explican dende Ágape e o Concello, engadindo que a cita será na praza Pablo Neruda a partir das 11.00 horas.
