Dende o Concello de Outes informaron da organización, este venres 9, dun novo roteiro turístico de patrimonio para visitar e coñecer os gliptógrifos da Carballa da Cova.
Podemos anotarnos en turismo@outes.gal enviando os datos persoais (nome, localidade e teléfono) ou chamando á Casa da Cultura no 981 842 406.
A ruta será unha andaina nocturna e, de feito, terá o seu punto de saída na capela de Mirás ás 22.00 horas, polo que é obrigatorio levarmos unha lanterna.
Os gliptógrifos da Carballa da Cova son un conxunto de oito rochas nas que están gravadas unhas 150 insculturas, a maior parte delas en forma de cruz. Este punto coñécese tamén como Laxe das Brañas e está a uns 300 metros do lugar de Carballa.
