O músico e escritor galego Francisco Castro vai estar este domingo 1 de setembro en Portosín, na praza do Curro ás 13.00 horas, para ofrecer un concerto a residentes e visitantes: o espectáculo Cantigaéverso.
A cita encádrase no programa cultural FalaRedes da Secretaría Xeral da Lingua, coa colaboración do Concello.
Cantigaéverso é un espectáculo poético e musical a cargo do escritor, editor e músico Francisco Castro e do músico e produtor musical, Federico Welicki, no que se repasan e revisitan os clásicos da poesía galega musicada.
Trátase dunha cita na que os dous músicos en escena, reforzados por un percusionista, fan unha viaxe completa pola historia das composicións poéticas que versionaron os nosos grandes músicos.
