Natural Sport SL e a Área de Deportes do Concello de Porto do Son arrincan este 6 de agosto un programa de actividade física e saudábel en plena natureza ao servizo das veciñas e veciños: o programa Agosto Activo. Celebrarase os martes e xoves deste mes, en horario de mañá: de 10.30 a 11.30 horas, nos xardíns da explanada portuaria da vila de Porto do Son.
Segundo informou a organización, será preciso que as persoas participantes acudan ás actividades con esteira (esterilla), gorra e auga.
O prezo de Agosto Activo será de 20 euros.
Quen precise máis información ou formalizar a inscrición na actividade pode facelo chamando por teléfono á Área de Deportes do Concello, no 981767589
