A parroquia de Olveira (concello de Ribeira) celebra esta semana as súas Festas de Verán, con epicentro no adro da igrexa. Os festexos desenvolveranse a partir deste martes, os días 13, 14, 15 e 17 de agosto.
A axenda comeza este martes 13, Día do Carme, cunha misa solemne na honra da Virxe do Carme a partir das 12.00 horas, e pola noite cunha verbena a cargo de Saudade, Planet Disco Móbil e Mateo Abelleira.
A axenda do mércores, Día de San Roque, arrinca cunha misa solemne na honra de San Roque, e pola noite volve a festa coa orquestra Puzzlee máis con Disco Kyoto e DJ Manu GZ.
O xoves será a xornada adicada a Santa María Asunción. As actividades comezarán ás 10.00 horas cunha alborada de música tradicional da man da agrupación local Tahume. Ás 12.00 horas haberá unha misa solemne na honra da patrona, e ás 12.45 horas unha actuación do Grupo de Baile Tahume. Ás 13.30 horas os asistentes poderán desfrutar dunha sesión vermú con Open Drink, e ás 17.00 dará comezo a festa do neno con inchábeis e unha festa da escuma. Ás 18.00 haberá unha actuación de baile a cargo de Tomasón e polo serán, ás 20.00 horas, música con DJ Jalaiko.
O sábado será o Día do Deporte e a actividade concentrarase no Campo de Fútbol de Olveira. Ás 17.00 horas celebrarase un partido de solteiras contra casadas e de solteiros contra casados, e ás 20.00 horas desenvolverase a entrega de trofeos con pinchos, amenizado polo DJ DT9.
