O tenente de Alcalde, Vicente Mariño xunto cos presidentes/as do Club de Xubilados de Aguiño, Corrubedo e Ribeira máis a técnica de Servizo Sociais do concello, presentaron os obradoiros gratuítos para o curso 2024/25 que vanse a impartir en tódalas parroquias de Ribeira no marco do Programa de Dinamización e Promoción Social para Persoas Maiores da concellería.
Mariño agradeceu o estar arroupado polos presidentes/as dos clubs de xubilados, e informou que neste ano adiantouse a convocatoria por petición dos usuarios dos propios cursos en anteriores edicións.
Prescricións:
As prescricións comezaran o 1 de setembro e poderanse anotar:
a) Departamento da concellería de Servizos Sociais
b) No taboleiro de anuncios da web do concello.
c) Nas dependencias do concello (auditorio vello).
Mariño recalcou que para a programación dos obradoiros a concellería fixo un esforzo económico importante para a gratuidade dos mesmos, esforzo que redundará nunha maior oferta e calidade para os usuarios.
Obradoiros:
- Aula sociocultural para maiores (memoria)
- Enriquecemento educativo (reforzo). Aguiño e Ribeira.
- Lingua e cultura galega (Servizo de Normalización)
- Conversa en inglés
- Artes plásticas
- Taek-Health
- Ximnasia adaptada
Os obradoiros serán impartidos por persoal do concello e tamén se disporá de dúas psicólogas.
O día 7 de outubro comezarán os obradoiros e nos primeiros días do mesmo se publicarán as listas e os horarios definitivos.
Servizos Sociais Comunitarios de Ribeira:
Praza 8 de Marzo s/n.
Edificio Mirador de Padín
15960 · Ribeira
servizossociais@ribeira.gal
