Boiro súmase ás reivindicacións do IES A Cachada para contar dun docente en exclusiva de Pedagoxía Terapéutica

20 Agosto 2024

O Concello de Boiro apoia as reivindicacións da comunidade educativa do IES A Cachada para a asignación urxente en exclusiva dun docente especialista en Pedagoxía Terapéutica que atenda as necesidades do alumnado do centro. O alcalde, José Ramón Romero, e outros membros da corporación participaron esta mañá na concentración na que Luisa Segade, da ANPA da Cachada, leu un manifesto.
Numerosas persoas concentráronse hoxe para solicitar unha xuntanza urxente co conselleiro de Educación, Universidade e Formación Profesional da Xunta de Galicia para expoñerlle a situación e as necesidades actuais deste centro. “Solicitamos unha xuntanza co conselleiro para expoñerlle esta e outras necesidades dos nosos centros de ensino de cara ao inicio do curso escolar”, afirmou o alcalde.
O IES A Cachada conta con máis de 100 alumnos e alumnas con algún tipo de necesidade especial ou atención educativa, chegou a ter tres docentes de PT e neste momento so conta con un a tempo parcial e outro
compartido con outro centro. “A falta dun docente de Pedagoxía Terapéutica non so está afectando á calidade educativa e ao benestar dese alumnado, senón que tamén está a incorrer no incumprimento da normativa vixente”, afirmou Luisa Segade.

Á concentración sumáronse tamén as ANPAS dos seis centros de educación primaria e tres de secundaria do municipio, así como a Asociación de Trastornos do Espectro Autista do Barbanza Barbantea. “As familias non nos imos enfrontar entre nós por uns apoios escasos e insuficientes, a nosa loita é polos dereitos dos nenos e nenas da Cachada para os que pedimos unha educación de calidade e inclusiva”, recoñeceu no manifesto.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.