Os bombeiros do parque Comarcal Provincial de Boiro foron alertados ás 20:22 horas de onte, martes 2 de xullo, dunha saída de vía na estrada C-550 á altura do punto quilométrico 67 ao seu paso por Ribademar, no Concello de Outes.
A incidencia foi ocasionada por unha saída de vía á marxe dereita, onde o coche foi por unha cuneta ata bater cun recolledor de auga de formigón, quedando o coche encima deste. A persoa ocupante resultou ferida pero non estaba atrapada.
O operativo consistiu en asegurar o vehículo, desconectándolle a batería. Nel participaron tamén a Garda Civil, o 061, o GES de Noia e voluntarios de Protección Civil de Outes
