O XI Encontro de Música e Baile Tradicional reunirá na Pobra a máis de 200 integrantes de catro agrupacións

10 Xullo 2024

A Pobra do Caramiñal, Ponte Caldelas, Viana do Castelo e Navalcán estreitarán lazos con motivo do XI Encontro de Música e Baile Tradicional. Esta cita de confraternidade arredor do folclore propio de distintas localidades de España e Portugal celebrarase o 13 de xullo, a partir das 21.00 horas, na praza Alcalde Segundo Durán da vila do Caramiñal. Contarase cunha barra de refrixerios e comida a prezos populares para contribuír a sufragar os gastos da Asociación Cultural Grupo de Gaitas Xiada, entidade promotora. En caso de chuvia, desenvolverase no Teatro Cine Elma.

Reunirá a máis de 200 persoas integrantes da A. C. D. Xiada (A Pobra do Caramiñal), Banda de Gaitas Coribantes (Ponte Caldelas), Grupo de Danças e Cantares Serreleis (Viana do Castelo, Portugal) e A. C. Revolvedera (Navalcán, Toledo). A edición deste ano, dedicada aos pazos da Pobra, estará presentada polo director do Museo Valle-Inclán, Antonio González.

“Nos últimos anos enmarcábamos este festival nas festas, pero neste ano apostamos por recuperar o seu formato orixinal para animar este sábado do mes de xullo. Trátase dun encontro xa consolidado no calendario municipal, que non só ofrece un intercambio cultural para as agrupacións participantes, senón que tamén posibilita que a xente siga desfrutando do noso. Se hai algo que caracteriza A Pobra é o tecido asociativo que traballa arreo para avivar e poñer en valor a nosa tradición. Proba disto son a cantidade de propostas que se lanzan neste senso, as cales seguiremos apoiando dende o Concello”, explica a concelleira da Cultura, Patricia Lojo.

Xunto con integrantes da A. C. D. Xiada, a súa presidenta María González relata que agora toca vir á Pobra, se ben a entidade pobrense xa estivo no 25 de maio na LVI Festa da Troita, de Ponte Caldelas, e no 22 de xuño no XXXVII Festival de Folclore en Serreleis, en Viana do Castelo. Este intercambio chegará ao seu fin en Navalcán, en Toledo, na última fin de semana do mes de outubro.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.