O Concello de Porto do Son achega este verán unha actividade lúdica de lecer, deporte e cultura para a mocidade de idades comprendidas entre os 13 e os 17 anos (mozas e mozos nados entre 2007 e 2011). Trátase do programa Xuventude na Rúa, edición 2024, cuxo prazo de inscrición abre este venres 5 de xullo a partir das 9.00 horas. O Concello confirmou que as prazas son limitadas. Pódense reservar a través da web municipal ou chamando aos teléfonos 981767589 e 698197909. As actividades desenvolveranse os venres de xullo e agosto en horario de mañá.
