Estes xoves 18 comezan na nosa comarca unha manchea de celebracións. Por exemplo as Festas de Taragoña (Rianxo), organizadas pola Comisión de Festas. Arrincan este xoves coas 21 bombas de palenque e con ruadas a cargo de Os Pequenos do Barbansa e Trécola Tradicional. Logo da sesión vermú a cargo de La Buena Vida, no Campo de Pazos, Fanfaria Furruxa protagonizará unha ruada a partir das 18.00 para rematar ás 21h no Campo de Pazos. Ás 22.30 horas comezará a verbena con Panorama e Galilea.
O venres a xornada comezará coas ruadas da Banda de Música de Cee e Os Pequenos do Barbansa, e cun concerto (ás 13h) coa Banda de Música de Cee no Campo de Pazos. A sesión vermú (ás 13.30) virá da man de Los Lunes al Sol. Pola noite actuará (no Campo de Pazos ás 21h) Silva Redonda e as orquestras París de Noia e Origen, a partir das 22.30 horas.
O sábado arrinca cunha ruada de Buxaina e da charanga Era Visto. Buxaina volverá tocar ás 13.00 horas no Campo de Pazos para dar paso a Terapia de Grupo, que protagonizará a sesión vermú a partir das 14 horas. Pola tarde, a partir das 17h, haberá actividades para a rapazada con festa da escuma (Infantilandia). Pola noite no Campo de Pazos actúa Tremenda Sudada e logo virá a verbena da man de Saudade, Son de Rosas (Tributo a La Oreja de Van Gogh) e Disco Móbil Euphoria Disco Show.
