A Área de Obras e Servizos do Concello de Outes compartiu nas redes os traballos despregados polas veciñas que levaron a cabo o acondicionamento da praza da Cruz e da fonte central da mesma. Os traballos incluíron o baleirado previo da fonte (requirido polas veciñas ao Concello), o limpado integral da mesma e a mellora estética da construción e da súa contorna.
No que comezou sendo un traballo de dúas persoas acabáronse sumando cinco veciñas máis, levando a cabo (a pasada fin de semana) un importante traballo de retirada de de lama, raíces e residuos e de reestruturación de bloques e pedras, colaborando o Concello co plano loxístico (un chimpín, un operario e ferramentas). O martes baldeouse a praza e encheuse novamente o estanque, que foi rematado esteticamente coa colocación de plantas novas e un xardín circundante. Participaron as veciñas Ana, Begoña, Chichita, Eva, Isamel, Naty e Paula.
