O Concello de Outes vén de presentar a segunda edición da celebración do Festival Abanea de movemento e danza no seu territorio. A axenda foi dada a coñecer por Anxo Núñez, concelleiro de Cultura, que destacou a beleza extraordinaria dos dous espazos elixidos para albergar as actuacións previstas no concello: a contorna da praia de Broña e o Estaleiro de Ciprián (Museo da Carpintería de Ribeira). “Para nós é un orgullo contribuír á exaltación da danza e a expresión en movemento”, sinalou o edil.
Podemos consultar a axenda completa na Rede.
O Festival Abanea celebrará entre o 17 e o 21 de xullo a súa terceira edición cun programa de danza e artes do movemento que distribuirá 16 funcións de 10 compañías entre os concellos de Foz, Outes, Ames, Marín e Allariz co apoio da Xunta. ISMO Cultura, colectivo organizador do encontro, espallará así a actividade do certame ás catro provincias e farao coa colaboración dos concellos participantes e a través dun convenio asinado coa Consellería de Cultura, Lingua e Xuventude.
A cita (dobre) será o 18 de xullo. Mostrarase ao público (no Espazo Museístico da Carpintaría da Ribeira de Broña) La declamación muda, de Melania Olcina (Madrid), Premio Nacional de Danza 2023 e Drauma, de Paulina Espinosa e Mariana Oliveira (México-Portugal), gañadoras do certame de creación Sólodos en Danza de Costa Rica con esta peza.
Amais, presentarase no Museo o espectáculo Os ollos cara adentro de Cía Ixa e levarase a cabo, na contorna da praia de Broña, e levaranse a cabo os obradoiros Danza en familia de Laura Quintás e A danza como lugar de recreo (ás 18.00 horas, na contorna do areal, e se chove na Casa da Cultura de Outes).
Tamén está previsto que actúen Mounqup e Yeinner Chicas (vertente musical).
