O Concello de Boiro celebra este venres 14 de xuño o 25 aniversario do Centro Social de Boiro cun acto de recoñecemento aos distintos axentes implicados durante a súa traxectoria. O acto institucional comezará ás 20.30 horas no andar baixo do centro e será aberto ao público.
O acto contará coa proxección dun vídeo recompilatorio do que foron estes 25 anos de traxectoria e traballo pola cultura e a participación cidadá. Ademais, haberá momento para os recoñecementos aos distintos servizos e persoas implicadas na actividade do Centro Social de Boiro e actuacións como a da Escola de Música de Boiro que tamén desenvolve a súa actividade no propio inmóbel municipal.
O Centro Social de Boiro é un equipamento público que leva 25 anos promovendo a cidadanía e que acolle actividades de todo tipo como de voluntariado, musicais, programacións culturais, propostas para a mocidade… conta con biblioteca, sala de exposicións, Aula CeMIT, cafetería…
