A Escola Municipal de Música de Rois celebrou con gran éxito os concertos de solistas de fin de curso no auditorio municipal o pasado venres 21 e domingo 23 de xuño. A comunidade respondeu en masa, enchendo o auditorio en ambas as ocasións para apoiar aos talentos da escola.
Os concerto destacaron polo alto nivel artístico e a variedade de pezas interpretadas. Os estudantes demostraron a súa destreza musical e o froito do seu traballo ao longo do ano, ofrecendo un repertorio que incluíu desde obras clásicas ata composicións contemporáneas.
A resposta do público foi moi positiva, valorando tanto a calidade das interpretacións como o esforzo e dedicación dos alumnos e os seus mestres. Estes concertos non só marcaron o peche do curso, senón que tamén reforzaron o papel da Escola Municipal de Música de Rois como un centro educativo e cultural de referencia na comunidade.
