Arredor da 1:40 horas, o 112 Galicia foi coñecedor deste suceso a través da Garda Civil de Tráfico, desprazada ata o lugar de Cabovila, na parroquia de Calo. Segundo indicaron, a moto bateu contra un vehículo aparcado e os motoristas estaban inconscientes tralo choque.
Decontado, os xestores do 112 Galicia puxeron os feitos en coñecemento do Servizo de Urxencias Sanitarias de Galicia-061, Bombeiros de Santiago e GES Brión. Tamén se informou ao Grupo de Intervención Psicolóxica en Catástrofes e Emerxencias (GIPCE).
Nunha nova comunicación cos axentes da Garda Civil de Tráfico, estes confirmaron que os dous ocupantes da moto estaban falecidos.
