A maioría das iniciativas se concentran nos GALP 2 Golfo Ártabro Norte e GALP 5 5 Ría de Arousa con 11 proxectos cada un seguidos do GALP 7 Ría de Vigo- A Guarda con 10 proxectos
A Xunta de Galicia apoia a través do Grupos de Acción Local do Sector Pesqueiro (GALP) o desenvolvemento de proxectos na actividade marisqueira de Galicia con axudas que ascenden a 18,4 millóns de euros, que se distribúen en dúas anualidades: 8 millóns en 2023 5,6 millóns, en 2024; e, 4,8 millóns, en 2025. Así o detallou a directora xeral de Desenvolvemento Pesqueiro da Consellería do Mar, Marta Villaverde, no marco da súa comparecencia na Comisión 8 do Parlamento, na que adiantou que, como resultado desta primeira convocatoria se executaron 64 proxectos, cun total de axuda pública de 4,9 millóns e un investimento privado de 3,25 millóns.
Do total de axuda pública, o GALP 7 Ría de Vigo-A Guarda recibiu unha suma que supera os 941.000 euros (o 19%), seguido do GALP 2 Golfo Ártabro Norte cun total de 787.000 euros (o 16%), así como polo GALP 6 Ría de Pontevedra (o 15%) e o GALP 4 Costa Sostible (o 14%). Polo que respecta ao número de proxectos en marcha a distribución é a seguinte: GALP 2 Golfo Ártabro Norte e GALP 5 Ría de Arousa con 11 cada un; GALP 7 Ría de Vigo-A Guarda con 10 e GALP 8 Golfo Ártabro Sur, con 4. Asemade, o valor medio de axuda pública por cada un supera os 75.000 euros e a media de investimento privado supera os 50.000 euros.
Villaverde explicou que o crédito orzamentario das axudas públicas recóllese en dúas partidas diferenciadas: en actividades económicas (AE) ou en actividades sen fin de lucro (ASAL). Neste caso, as primeiras representan o 46% das achegas e se desenvolveron en 21 concellos, mentres que as segundas o 54% e se levaron a cabo en 32 municipios.
En relación ao investimento privado rexistrouse unha cifra que supera os 3,2 millóns de euros para o conxunto dos GALP; o 40% do custe total. O investimento total en proxectos en execución nesta convocatoria é superior aos 8 millóns de euros.
O 31 de xaneiro de 2024 tamén se publicou no Diario Oficial de Galicia unha nova convocatoria do FEMPA para este ano pola que se establecen as bases reguladoras da concesión de axudas para proxectos ao amparo das estratexias de desenvolvemento local (EDLP) aprobadas aos GALP cun orzamento de 19,5 millóns de euros, distribuídos do seguinte xeito: 8,5 millóns en 2024; 5,9 millóns en 2025 e 5,1 millóns en 2026.
Impulso para o sector
Segundo Marta Villaverde sonaxudas coas que dende a Consellería do Mar se contribúe ao aumento do valor, creación de emprego, valoración e fomento da participación das mulleres, atracción de mozos e promoción da innovación en todas as fases da cadea de produción e subministro dos produtos de pesca e acuicultura; ao impulso da economía azul nas zonas pesqueiras e acuícolas mediante o apoio da diversificación dentro e fora do sector da pesca comercial; ao aproveitamento do patrimonio medioambiental, do benestar social e patrimonio cultural; e ao reforzo do traballo das comunidades pesqueiras.
