Unha bóla de luz ilumina o ceo de Galicia e outras rexións de España e Portugal

19 Maio 2024

Na madrugada de hoxe, ao redor da 01:00 horas, unha bóla de luz cruzou o ceo de Galicia e outras partes de España e Portugal, sorprendendo a numerosos observadores.

O 112 Galicia recibiu múltiples chamadas de testemuñas que describiron ver “unha gran bóla incandescente en movemento que iluminou o ceo de cor verdoso ou avermellado” e que posteriormente “se desfixo en pedazos”. Moitos destas testemuñas referíronse ao fenómeno como un bólido ou meteorito.

As chamadas proviñeron de diferentes puntos de Galicia, incluíndo O Porriño, Vigo, Redondela, Pontevedra, O Saviñao, Oleiros, Beariz, Nigrán, As Neves, Taboada e A Rúa, todas elas entre as 00:50 e as 01:15 horas.

O Centro Integrado de Atención ás Emerxencias de Galicia (CIAE-112) informou que a Axencia Estatal de Meteoroloxía explicou que se tratou de “un fenómeno atmosférico pouco frecuente, moi luminoso, que se desintegró ao entrar en contacto coa atmosfera”.

Testemuñas describiron que observaron “un punto moi forte de luz”, similar a “un lume artificial”, que cruzou o ceo durante uns segundos, iluminando a contorna coma se fóra de día por uns momentos. Ademais, sinalaron que deixou un rastro brillante, similar ao dos ronseis dos avións.

En redes sociais, varios usuarios compartiron vídeos onde se pode ver a bóla de luz sobre lugares como Vilanova de Arousa e Sanxenxo.

O fenómeno tamén foi visible noutras rexións de España, como Andalucía, Castela-A Mancha, a Comunidad de Madrid e Estremadura, así como no norte de Portugal e Lisboa.

Outros artigos

Martes con chuvascos e temperaturas sen cambios

Xornada de inestabilidade atmosférica, agárdanse intervalos nubrados con chuvascos, localmente treboentos e ocasionalmente fortes diminuíndo cara a noite. As temperaturas mínimas sufrirán un lixeiro descenso, mentres que as máximas continuarán sen cambios. Os ventos...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...