O Ateneo Valle-Inclán de Ribeira acolleu a presentación da obra “Coímbra “de Xosé de Cea , un texto no que a emigración, a construción da identidade, o desarraigo dos fillos de galegos nacidos lonxe da terra dos seus pais cando estes deciden regresar á casa e un momento histórico moi concreto son algúns dos temas que se abordaron na presentación do libro un acto organizado entre o Ateneo Valle-Inclán e Barbantia .
A presentación, moderada por Isabel Santos, vicepresidenta de Barbantia, centrouse na novela con toques autobiográficos. No acto estiveron presentes a presidenta de Barbantia, María Xesús Blanco, quen agradeceu a cálida acollida do Ateneo, e o presidente de honra desta entidade, Santos Oujo.