Os bombeiros do parque comarcal provincial de Ribeira interviñeron ao redor das 19:30 horas de onte, xoves 9 de maio, nun operativo destinado a extinguir un incendio nun colector no lugar do Vilar, na parroquia ribeirense de Carreira.
O lume tivo como foco un colector do lixo que está a carón dun poste de telégrafos que tamén resultou afectado polas lapas.
A intervención consistiu na extinción das chamas e na posterior notificación á Policía Local da necesidade de repoñer o colector e á empresa responsable do mantemento de telégrafos da reparación do poste afectado.
Completaron o operativo a Policía Local de Ribeira e o GAEM de Ribeira.
